श्रीमती ज्योती जालंदर साखरे यांची अर्थशास्त्र पीएच. डी. ( विद्यावाचस्पती ) साठीची खुली मौखिक चाचणी संपन्न: २७/०६/२०२५

 

श्रीमती ज्योती जालंदर साखरे यांची अर्थशास्त्र पीएच. डी. ( विद्यावाचस्पती ) साठीची खुली मौखिक चाचणी संपन्न

मराठवाडा शिक्षण प्रसारक मंडळ संचलित,

यशवंतराव चव्हाण महाविद्यालय, अंबाजोगाई,

अर्थशास्त्र  विभाग व अर्थशास्त्र  संशोधन केंद्र 

श्रीमती ज्योती जालंदर साखरे यांची अर्थशास्त्र पीएच. डी. ( विद्यावाचस्पती ) साठीची खुली मौखिक चाचणी संपन्न

 डॉ बाबासाहेब आंबेडकर मराठवाडा विद्यापीठाच्या मानव्यविद्याशाखे अंतर्गत घेण्यात आलेल्या खुल्या मौखिक चाचणीचे आयोजन आज दिनांक २७/०६/२०२५ रोजी  ऑनलाईन माध्यमाद्वारे यशस्वीरीत्या संपन्न झाले. सदरील मौखिकी ही  "महाराष्ट्रातील मानवी भांडवलाच्या गुणात्मकतेचा अभ्यास" या संशोधन विषयावर घेण्यात आली. श्रीमती ज्योती जालंदर साखरे यांनी आपल्या सादरीकरणाच्या माध्यमातून प्रस्तावना, संशोधन साहित्याचा आढावा, महाराष्ट्राची अर्थव्यवस्था व मानवी  विकास,  महाराष्ट्रातील लोकसंख्या व विविध क्षेत्रात उपलब्ध  मानवी भांडवलाच्या गुणात्मकतेचा अभ्यास, महाराष्ट्रातील मानवी भांडवलाच्या गुणात्मकतेचे  जिल्हानिहाय विश्लेषण या सहा  प्रकरणांच्या माध्यमातून संशोधनातून समोर आलेले निष्कर्ष मांडून महाराष्ट्रातील मानवी भांडवलाची गुणात्मकता वाढविण्याच्या दृष्टीने आवश्यक उपायांबाबत शिफारशी सर्वांसमोर मांडल्या. द्वितीयक माहितीच्या आधारे प्राप्त सांख्यिकीय माहितीचे विविध सांख्यिकीय तक्ते व आलेख या माध्यमातून विश्लेषण करून प्रस्तुत संशोधन कार्य  पूर्ण केल्याचे सांगितले.

 सदरील मौखिकीचे अध्यक्ष म्हणून डॉ अशोक पवार, प्रोफेसर व विभागप्रमुख  डॉ. बाबासाहेब आंबेडकर मराठवाडा विद्यापीठ, छत्रपती संभाजीनगर, तसेच बहिस्थ: परीक्षक  म्हणून प्राचार्य  डॉ. गौतम भोंग ,  पुणे  आणि  मार्गदर्शक प्रा. डॉ. दीपक एम. भारती, यशवंतराव चव्हाण महाविद्यालय, अंबाजोगाई आणि  प्रमुख उपस्थिती मध्ये मा. प्राचार्य डॉ. शिवदास शिरसाठ, यशवंतराव चव्हाण महाविद्यालय, अंबाजोगाई, प्रोफेसर  डॉ. दिलीप अर्जुने (अध्यक्ष, अर्थशास्त्र अभ्यास मंडळ),  डॉ. सुरेश खोंड (शरदचंद्र महाविद्यालय शिराढोण), डॉ. मनोरमा पवार , डॉ. गोविंद काळे , डॉ. अरविंद घोडके, डॉ. अहिल्या बरुरे,  सुशीलकुमार आचार्य आदी सर्व प्राध्यापक व प्रा. राम लोखंडे, श्री आनंद मैंद, श्री अविनाश फुके, श्रीमती आरती मुळे, कु. निकिता बावणे, कु. निशिगंधा कदम, श्री राहुल चौधरी  हे  संशोधक विद्यार्थी तसेच पीएच. डी . विभागातील  श्री माने व महाविद्यालयातील श्री रमेश जाधव,  श्री सम्राट भोसले,  श्री जयपाल साखरे (CA),  शिल्पा साखरे, श्री मनोज माने, सुवर्णा साखरे, श्री दीपक घाडगे  यांच्यासह अनेक संशोधक व प्राध्यापक ऑनलाईन उपस्थित होते

           .          online viva- छायाचित्र 

                  

उन्नत भारत अभियान अंतर्गत यशवंतराव चव्हाण महाविद्यालयाच्या दोन विद्यार्थ्यांचा स्टार्टअप महाकुंभ, नवी दिल्ली येथे सहभाग:

 

उन्नत भारत अभियान अंतर्गत यशवंतराव चव्हाण महाविद्यालयाच्या दोन विद्यार्थ्यांचा स्टार्टअप महाकुंभ, नवी दिल्ली  येथे सहभाग:

मराठवाडा शिक्षण प्रसारक मंडळ संचलित, यशवंतराव चव्हाण महाविद्यालय, अंबाजोगाई, उन्नत भारत अभियान कक्ष अंतर्गत महाविद्यालयातील दोन विद्यार्थ्यांची निवड झाली होती. डॉ. बाबासाहेब आंबेडकर मराठवाडा विद्यापीठ छत्रपती संभाजीनगर यांच्या वतीने उन्नत भारत अभियान अंतर्गत दिनांक 3 ते 5 एप्रिल 2025 दरम्यान दिल्ली येथे संपन्न झालेल्या (पंतप्रधान नरेंद्र मोदी यांच्या संकल्पनेतून ) स्टार्टअप महाकुंभ साठी महाविद्यालयातील दोन विद्यार्थी  हनुमंत मानिक मंदे आणि अशोक श्रीहरी तंबूड  यांनी  विद्यापीठाच्या संघामध्ये सदस्य म्हणून स्टार्टअप महाकुंभ मध्ये यशस्वी सहभाग नोंदवला. या दोन्ही विद्यार्थ्यांनी दि.०3  एप्रिल ते ०5 एप्रिल  या स्टार्टअप महाकुंभ कार्यक्रमांमध्ये अतिशय उत्साहपूर्वक आणि यशस्वीरित्या  सहभाग  घेवून देशभरातून आलेल्या विद्यापीठ संघासोबत आपल्या विद्यापीठ संघाची वेगळी ओळख निर्माण करून दिली. महाविद्यालयाच्या वतीने दोन्ही विद्यार्थ्यांचे मनःपूर्वक अभिनंदन करण्यात आले. महाविद्यालयाचे प्राचार्य डॉ. शिवदास शिरसाठ यांच्या हस्ते  विधार्थ्यांचा सत्कार करण्यात आला व प्रमाणपत्र देण्यात आले. या प्रसंगी  उपप्राचार्य डॉ.  रमेश शिंदे ,उन्नत भारत अभियान समन्वयक डॉ. दीपक भारती, सह- समन्वयक डॉ. अहिल्या बरुरे यांची उपस्थिती होती.  विषय तज्ञ  डॉ. अरविंद घोडके, डॉ. अनंत मरकाळे  यांनी देखील या विद्यार्थ्यांचे अभिनंदन केले. याप्रसंगी महाविद्यालयातील विद्यार्थ्यांना सदरील उपक्रम प्रेरणादायी ठरेल असे मत प्राचार्य शिवदास शिरसाठ यांनी व्यक्त केले. या दोन्ही विद्यार्थ्यांनी या प्रसंगी स्टार्टअप महाकुंभ मधून आलेले अनुभव व ग्रामीण भागातून होत असलेल्या देशभरातील स्टार्ट अप बद्दलचे दिल्ली महाकुंभ मधील अनुभव सर्वांसमोर मांडले. याबद्दल स्थानिक व्यवस्थापन समिती सदस्य, महाविद्यालयातील सर्व प्राध्यापक व विद्यार्थी या सर्वच पातळीवर  दोन्ही विद्यार्थ्यांचे अभिनंदन  व कौतुक होत आहे.

छायाचित्रे 

वर्तमानपत्रातील बातमी 

अर्थशास्त्र विभागाच्या वतीने राज्यस्तरीय कार्यशाळा संपन्न: २९ /०३/२०२५

मराठवाडा शिक्षण प्रसारक मंडळ संचलित,

यशवंतराव चव्हाण महाविद्यालय, अंबाजोगाई,

अर्थशास्त्र  विभाग 

अर्थशास्त्र विभागाच्या वतीने 

Under MOU Activities

(State Level Workshop)

 राज्यस्तरीय कार्यशाळा   

अर्थशास्त्र विभागाच्या वतीने राज्यस्तरीय कार्यशाळा संपन्न:

अंबाजोगाई येथील यशवंतराव चव्हाण महाविद्यालयामध्ये दिनांक 29 मार्च 2025 रोजी यशवंतराव चव्हाण महाविद्यालय अंबाजोगाई ,अर्थशास्त्र विभाग आणि राजश्री शाहू महाविद्यालय, (स्वायत्त) लातूर ,अर्थशास्त्र विभाग यांच्या संयुक्त विद्यमाने (MOU अंतर्गत ) बँकिंग क्षेत्रातील रोजगाराच्या संधी या विषयावर एक दिवशीय ऑनलाइन राज्यस्तरीय कार्यशाळेचे आयोजन करण्यात आले होते. या कार्यशाळेचे अध्यक्ष तथा उद्घाटक  प्राचार्य डॉ. शिवदास शिरसाट यांनी बँकिंग प्रणालीच्या इतिहासावर प्रकाश टाकत प्राचीन बँकिंग व्यवस्थेपासून ते सध्याच्या बँकिंग व्यवस्थेत  होत गेलेला बदल आणि नोकरीच्या संधी यावर प्रकाश टाकला. व सदरील कार्याशालेमुळे राज्यस्तरीय कार्यशाळेस उपस्थित सर्व विद्यार्थ्यांना बँकिंग क्षेत्रातील रोजगाराच्या संधीबाबत मार्गदर्शन मोलाचे ठरेल अशी अपेक्षा व्यक्त केली. कार्यक्रमाचे प्रास्ताविक तसेच सूत्रसंचालन (अर्थशास्त्र विभाग प्रमुख, यशवंतराव चव्हाण महाविद्यालय, अंबाजोगाई) डॉ. दीपक भारती यांनी केले व कार्यशाळेच्या आयोजनाचा हेतू व आवश्यकता सर्वांसमोर मांडली.  कार्यशाळेचे  बिजभाषक व साधनव्यक्ती म्हणून   लेफ्ट. डॉ. जगतराव धनगर (सी. सी. शेठ महाविद्यालय, अहमदाबाद, गुजरात ) यांचा परिचय डॉ. मनोरमा पवार यांनी करून दिला. कार्यशाळेचे मार्गदर्शक लेफ्टनंट डॉ. जगतराव धनगर यांनी " बँकिंग क्षेत्रातील नोकरीच्या संधी "  या विषयावर बोलताना आजकालच्या काळात अर्थशास्त्र, कॉमर्स ,सायन्स आणि इतरही क्षेत्रातील अनेक उमेदवार बँकिंग क्षेत्राकडे वळू लागले आहेत आणि त्यामुळे बँकिंग क्षेत्रात स्पर्धा भयंकर वाढली आहे बँकिंग क्षेत्रात नोकऱ्याच्या संधी याविषयी बोलताना बँकिंग क्षेत्रात रोजगाराच्या संधी शोधणाऱ्यांसाठी बँकिंग क्षेत्रात प्रोबेशनरी ऑफिसर,स्पेशालिस्ट अधिकारी, लिपिक आणि इतर पदासाठी भरती प्रक्रिया ही आयबीपीएस आणि एसबीआय सारख्या परीक्षा द्वारे होत असते,  त्याची तयारी करून आपण चांगली नोकरी मिळवू शकतो असे मत व्यक्त केले. इतकेच नव्हे तर बँकिंग क्षेत्रातील नोकरी मिळवण्यासाठी अभ्यास कसा करावा, मुलाखतीची तयारी कसी करावी व कोणती संदर्भ ग्रंथ उपयोगात आणावेत याबाबत सविस्तर मार्गदर्शन केले. तर कार्यशाळेचे आभार डॉ. गाडेकर बी.पी (अर्थशास्त्र विभाग प्रमुख, राजश्री शाहू महाविद्यालय, (स्वायत्त) लातूर)यांनी व्यक्त केले. कार्यशाळेसाठी राज्यातील विविध महाविद्यालयातील  प्राध्यापक, संशोधक विद्यार्थी , पदवी व पदव्युत्तर वर्गातील विद्यार्थी झूम व युट्यूब या माध्यमातून मोठ्या संख्येने उपस्थित होते. सदरील कार्यशाळा आयोजित करण्यासाठी राजश्री शाहू महाविद्यालय, (स्वायत्त) लातूर चे प्राचार्य डॉ. महादेव गव्हाणे, दोन्ही महाविद्यालयातील अर्थशास्त्र  विभागातील सर्व प्राध्यापक व तांत्रिक बाजू सांभाळणारे  कर्मचारी  यांचे विशेष सहकार्य  लाभले.

कार्यशाळेची छायाचित्र 

वर्तमानपत्रातील बातमी 

अर्थशास्त्र विभागाच्या वतीने Student`s Seminar व समूह चर्चा संपन्न

 मराठवाडा शिक्षण प्रसारक मंडळ संचलित,

यशवंतराव चव्हाण महाविद्यालय, अंबाजोगाई,

अर्थशास्त्र विभाग 

अर्थशास्त्र विभागाच्या वतीने Student`s  Seminar व समूह चर्चा संपन्न  

दिनांक २३ सप्टेंबर २०२४ रोजी अर्थशास्त्र विभागाच्या वतीने बी. ए. च्या प्रथम, द्वितीय व तृतीय वर्षातील  विध्यार्थ्यांचे सेमिनार व समूह चर्चा आयोजित केले होते. या सेमिनार व समूह चर्चे  मध्ये विध्यार्थ्यानी उस्फुर्तपणे सहभाग घेवून विविध चालू आर्थिक घडामोडींवर आपले विचार मांडण्याचा यशस्वी प्रयत्न केला. 

खालील महत्वाच्या विषयांवर विध्यार्थ्यानी आपले सेमिनार  सादर केले व याच विषयांच्या बाबत समूह चर्चा देखील घडवून आणण्यात आली.  

१. सूक्ष्म अर्थशास्त्र व स्थूल अर्थशास्त्र 

२. कल्याणकारी अर्थशास्त्र व शासनाच्या  वर्तमान योजना 

३. कृषी अर्थशास्त्र  व वर्तमान कृषिविषयक धोरण 

४. विकासाचे अर्थशास्त्र व भारताची विकासाची सध्यस्थिती 

५. सार्वजनिक उत्पन्न - खर्च व  वर्तमानात सार्वजनिक खर्चात होत असलेली वाढ 

६. बँकिंग व फायनान्स आणि रोजगार संधी 

७. भारतीय अर्थव्यवस्था व अर्थव्यवस्थेसमोरील  आव्हाने 

या प्रसंगी विभागातील प्राध्यापक डॉ. मनोरमा पवार व विभाग प्रमुख डॉ दीपक भारती यांची उपस्थिती होती.

निवडक videos 

निवडक छायाचित्रे 

दिनांक ०४/०९/२०२४ रोजी विभागाच्या वतीने Student`s  Seminar व समूह चर्चा  आयोजनाबाबत विद्यार्थ्यांना माहिती देण्यात आली. सेमिनारचे विषय व सादरीकरण करताना आवश्यक घटकांची चर्चा व त्याबाबतचे मार्गदर्शन अर्थशास्त्र विभागाच्या वतीने  करण्यात आले.