मराठवाडा शिक्षण प्रसारक मंडळ संचलित,
यशवंतराव चव्हाण महाविद्यालय, अंबाजोगाई,
अर्थशास्त्र विभाग
अर्थशास्त्र विभागाच्या वतीने (ICT - Guest Lecture)
अतिथी व्याख्यान संपन्न
दिनांक २५ ऑगस्ट २०२५ रोजी अर्थशास्त्र विभागाच्या वतीने बी. ए. च्या प्रथम, द्वितीय व तृतीय वर्षातील व एम. ए. च्या विध्यार्थ्यांकरिता अतिथी व्याख्यानाचे आयोजन केले होते.
विषय- वित्तीय साक्षरता
दिनांक २५ ऑगस्ट २०२५ रोजी म. शि. प्र. मंडळाचे यशवंतराव चव्हाण महाविद्यालय अंबाजोगाई येथे मा. प्राचार्य डॉ. शिवदास शिरसाठ यांच्या अध्यक्षतेखाली अर्थशास्त्र विषयावरील अतिथी व्याख्यान संपन्न झाले. या प्रसंगी साधनव्यक्ती म्हणून बोलताना प्रा. डॉ. नंदकिशोर चिताडे (जनविकास महाविद्यालय, बनसारोळा, ता. केज, जिल्हा बीड ) यांनी “वित्तीय साक्षरता ” या विषयावर बोलताना आज व्यक्तीच्या जीवनात आज वित्तीय साक्षरता किती महत्वाची आहे याबाबत सविस्तर भाष्य केले. विशेषतः डीजीटल इंडियाच्या काळात वाढलेले online बँकिंगचे प्रमाण लक्षात घेता एकूणच वित्तीय साक्षरता अधिक महत्वाची ठरते असे प्रतिपादन केले. वित्तीय साक्षरतेचा अभाव असल्यास सर्वसामान्य माणूस आजच्या online बँकिंग व्यवहाराच्या माध्यमातून सहजपणे फसला जावू शकते याची भीती व्यक्त केली.
अध्यक्षीय समारोप करताना मा. प्राचार्य डॉ. शिवदास शिरसाठ म्हणाले की, जगातील आघाडीची अर्थव्यवस्था म्हणून भारतीय अर्थव्यवस्थेला ओळखली जाते. या पार्श्वभूमीवर आपल्या अर्थव्यवस्थेची व पर्यायाने बँकिंग क्षेत्राची होत असलेली वाटचाल लक्षात घेता आज देशातील प्रत्येक व्यक्ती वित्तीय साक्षर बनणे गरजेचे आहे असे प्रतिपादन
केले. या प्रसंगी अर्थशास्त्र विभाग प्रमुख डॉ. दीपक भारती यांनी प्रारंभीच प्रास्ताविकाच्या माध्यामातून अतिथी व्याख्यानाच्या अयोजानाची भूमिका सर्वांसमोर ठेवली.
व्याख्यान कार्यक्रमाचे सूत्र संचालन डॉ. मनोरमा पवार यानी केले तर आभार प्रदर्शन चि. संकेत पवार या विद्यार्थ्याने केले. या कार्यक्रमास महाविद्यालयातील अर्थशास्त्र विभागातील सर्व प्राध्यापक उपस्थित होते. प्रस्तुत व्याख्यान कार्यक्रमास मोठ्या संख्येने विध्यार्थी उपस्थित होते ज्यांनी व्याख्यानानंतरच्या चर्चेत देखील यशस्वी सहभाग घेतला.
निवडक छायाचित्रे
निवडक व्हिडिओ
No comments:
Post a Comment